Pennarias sun impissamaints, afforissems e pitschnas poesias scrittas e pitturadas in fuorma da graffits e kryptograms. Cun notar impissamaints saja sia penna minchatant dvantada impaziainta ed haja cumanzà ad ir aignas vias, a disegnar ils impissamaints in stortigls, firlifanzas ed arabescas, scriva Guidon aint il pream. Bleras poesias han üna traducziun tudais-cha.

Var desch ons a l’inlunga ha ramassà Jon Nuotclà temas per istorgias güsta sco cha uffants ramassan chüssels chi tils dan in ögl aint illa glera sper il flüm. Sco cha pro uffants as mantunan ils chüssels da differentas culuors, fuormas e grondezzas as mantunaivan pro Jon Nuotclà istorgias cuortas e lungas, leidas e sombras. Quellas istorgias as chatta in fuorma sinoptica aint in quist cudesch.

“Figuras” d’eiran uriundamaing sbözs per costüms da teater. Guidon ha survgni plaschair vi da quist disegnar spontan e sainza far correcturas. Las figüras nu sun caricaturas da persunas chi vivan, listess as craja da cugnuoscher üna o tschella. Bleras figüras nu sun güsta bellas ma ellas s’instrafottan da quai, ellas han il curaschi dad esser tridas – forsa causa ch’ellas nu sun svessa respunsablas per lur vistas.
* cudesch grischun da l'on 2004 *

"Da nu cugnuoscher brichafat il passà, es üna mancanza. Aint il passà as rechattan las ragischs da nos esser e resentir" Cun quists pleds da Men Gudench cumainza il cudesch dal magister pensiunà Robert Notegen.

Sün 190 paginas es descritta l'istorgia dal cumün da Tschlin in fuorma incleantaivla.

da retrar pro'l büro cumünal Tschlin
081 866 33 03

Reto Caratsch
Ouvras

Reto Caratsch es sto ün dals meglders satirics rumauntschs. Ils Rumauntschs haun let cun plaschair sias ouvras, impustüt „La renaschentscha dals Patagons“ ed „Il commissari da la cravatta verda“. Dal 1956 ho concepieu Caratsch il “Program da Schlarigna”. Il puonch principel da quel es la Spüerta da sacrifizi chi ho do bger da discuter illa Rumantschia.

exaust!

Men Rauch
Chanzuns per guitarra

Men Rauch es stat il prüm trubadur rumantsch, el ha creà e derasà la chanzun populara ladina sco üngün oter. Men Rauch vaiva edi dal 1925 il prüm tom da las “chanzuns umoristicas rumantschas cun intraguidamaint per accumpagnar cun la guitarra” e dal 1950 il seguond tom.
Quist cudeschet edi dal CHARDUN dal 1976 cuntegna tuots duos toms. Cun la reediziun es gnü accumpli il giavüsch dals trubadurs e dals amatuors da la buna chanzun rumantscha.

Caricaturas/Karikaturen
Our da la revista rumantscha il CHARDUN
Aus der romanischen Zeitschrift il CHARDUN

In occasiun dal giubileum da desch ons da la revista rumantscha il CHARDUN han decis ils respunsabels d’edir üna racolta da caricaturas. La caricatura palesescha ils problems in fuorma grafica, dimena in quella fuorma chi’d ha üna vita per uschedir surlinguistica e po gnir incletta eir sainza commentars. Tuottüna esa stat indispensabel d’agiundscher a plüssas caricaturas ün cuort text sco connex istoric.